İncəsənət və fiziki tərbiyə fakültəsinin “Musiqi müəllimliyi” ixtisasının MSQ2001B qrupunun təcrübəçi tələbələrinin “Novruzov qardaşları” adına 36 N li tam orta məktəbdə “I Qarabağ “müharibəsində şəhid olmuş Natiq və Azər Novruzov qardaşlarının əziz xatirəsinə həsr olunmuş tədbir hazırlamışlar. Tədbirdə “Novruzov“ qardaşlarının həyat yolundan danışılmış, Vətən uğrunda mübarizə aparan qəhrəman döyüşçülərimizə, şəhidlərimizə həsr edilmiş şeirler, səhnəciklər, musiqi nömrələri və həmçinin tələbələr və şagirdlərdən ibarət xor kollektivinin ifasında əsərlər ifa edilmişdir.

13-14 may tarixlərində Azərbaycan Dövlət Pedaqoji Universitetinin (ADPU) İncəsənət və fiziki tərbiyə fakültəsinin “Musiqi və onun tədrisi texnologiyası” kafedrası ilə Beynəlxalq əlaqələr üzrə prorektorluğun nəzdində Təlim–Tədris Mərkəzi ilə birgə Türkiyənin Bağçaşəhər Universitetinin Konservatoriyasının professoru Hyun Sook Tekinin “Fortepiano ifaçılığı və pedaqogika” mövzusunda konsert proqramı və elmi seminarı təşkil olunmuşdur. İlk gün xüsusi konsert proqramı ilə çıxış edən professor, ikinci günün ilk hissəsində fakültənin “Musiqi müəllimliyi” ixtisası üzrə təhsil alan tələbələrinə Ustad dərsi keçmiş və daha sonra Elmi Seminar ilə çıxışını tamamlamışdır.

04.03.2024-cü ildə Heydər Əliyev fondunun təşəbbüsü ilə “Küləyə qalib gəl” şüarı altında “Bakı marafonu 2024” start götürmüşdür. Marafonda İncəsənət və fiziki tərbiyə fakültəsinin “Fiziki tərbiyə və çağırışaqədərki hazırlıq müəllimliyi” ixtisasının tələbələri də fəal iştirak etmişdir.

03.05.2024- cü il tarixində İncəsənət və fiziki tərbiyə fakültəsində Ümummilli lider Heydər Əliyevin anadan olmasının 101 illiyinə həsr olunmuş Rəsm müsabiqəsi keçirilmişdir. Müsabiqədə Elm və İnnovasiyalar üzrə prorektor, prof. Asəf Zamanov, İncəsənət və fiziki tərbiyə fakültəsinin dekanı Sos.ü.f.d Anar Fərmayılov, dekan müavini Jalə Təhməzova çıxış edərək tələbələrə müsabiqədə müvəffəqiyyətlər arzulamışlar.

18 mart 2024-cü il tarixində İncəsənət və fiziki tərbiyə fakültəsində Novruz bayramı şənliyi keçirilmişdir. Tədbirdə fakültənin tələbələrinin ifasında mahnı və rəqslər səsləndirilmiş və Novruz bayramının rəmzləri olan “Kosa,keçəl və bahar qızı” ilə bağlı səhnəciklər canlandırılmışdır.

 I Qarabağ müharibəsi şəhidi Əmilov Araz Laçın oğlunun xatirəsi anılıb