16.02.2023 cü il tarixində İncəsənət və fiziki tərbiyə fakültəsində Pedaqoji təcrübənin başlanılması ilə əlaqədar konfrans keçirilmişdir. Konfransda ilk öncə fakültənin dekanı dos. Anar Fərmayılov çıxış edərək tələbələrə pedaqoji təcrübə müddətində vacib olan məlumatları, məsləhət və tövsiyyələrini vererək uğurlar arzulamışdır. İclasda “Musiqi və onun tədrisi texnologiyası” kafedrasının müdir v.m.i.e dos. Laçın Həsənova, “Təsviri incəsənət və onun tədrisi texnologiyası” kafedrasının müdiri dos. Yeganə Cəlilova və “Fiziki tərbiyə və onun tədrisi texnologiyası” kafedrasının müdir v.m.i.e Telman Tağıyev çıxış edərək tələbələri pedaqoji təcrübələrini keçirəcəkləri məktəblər ilə tanış etmişdirlər. Konfransda “Fiziki tərbiyə və onun tədrisi texnologiyası” kafedrasının baş müəllimi Natiq Əliyev, “Təsviri incəsənət və onun tədrisi texnologiyası” kafedrasının müəllimi pedaqogika üzrə fəlsəfə doktoru Çingiz Rüstəmov çıxış edərək tələbələrə öz tövsiyyələrini bildirmiş və onlara uğurlar arzu etmişdirlər.